الحكايه ببتديها بـإسم (( ريم ))

الحكايه , ببتديها , بـإسم

الحكايه ببتديها بـإسم (( ريم ))

الحكايه ببتديها بـ اسم //ريـــــــــــمـ//
بنت ماتت مالها عشرين صيف
ماعرفت طبع الحريم
همها تجمع اوراق الخريف
لين يبقى حوش منزلهم نظيف

.. ريـــمـ ..
كانت تحس بالم
وهي تكابر ماشتكت
وهي تكابر مابكت
فيه امل انها تطيب
لين طاحت
ايه طاحت
وودوها طبيب


.. ريـــمـ ..
حامل توها باول شهر
لاتشيل اشياء ثقيله
وامنعوها من السهر


!! .. ريـــمـ ..!!
حامل !!
كيف حامل !!؟ والبنت عذراء؟
قال انت ابوها وانت ادراء
يمكن اخطت مع حبيب .
قام ابوها وما تكلم
ناسين منهي وشنهي
ماذكر انها وحيده
مالها اخوان وخوات

صد عنها وماسالها
مادرت وش فـ الحكايه
تسأله وهي تبسم
يايبه وش قال فيني ؟
ليه ماتبغى تعلم؟
وش يقول فيني الطبيب؟
يايبه تكفى تكلم
يايبه قلي فديتك
غيّر الوِجْهه وطوّل
كان في النيه عجل
واسالت ريم بخجل
يايبه ضيعت بيتك


.. ريـــمـ ..
وقف الموتر وحول
ثم مسكها مع شعرها
ومال عنها ثم نحرها
وغرقت ريم بـِ دماها
واظلم الليل وقبرها
يووووووهـ
كنه مايعرفها
شك فيها وفي شرفها
ياقسى قلوب الرجال
صدقت حتى الخيال


.. ريـــمـ ..

حتى ماتت مابكوها
مادرت كيف اظلموها
وما سألت ليه انكروها
وما سألت ليه طعنوها
وليه يقتلها ابوها


.. ريـــمـ ..
وبعد ما ماتت بيوم
وقبل آذان الظهر
رن هاتف بيتها
رد ابوها .
قالوا هذا بيت ريم
ابشرك طلع تحليل بنتك سليم
بس غلطنا بالاسامي
وشف ملف بنتك امامي
بنتك معها زايدهـ
مادرى ان ابوها قتلها
يوهـ لو انه سالها


.. ريـــمـ ..

ياكبرها من مصيبه
ماعرفت معنى حبيبه
وكانت اللحظه قريبه
واخذوها وماتهنت
شفتوا وش كبر المصيبه


.. ريـــمـ ..

وانا اسمع سالفتها
اتخيلها سعيدهـ
واقول ياليت كان الها اخو
وليت الناس بقصتها عرفوا
ريم .. ياريم .. ياريم
هو صحيح انتي انظلمتي
لكن بدمك رسمتي
احلى لوحات الطهاره
ياخسارتنا خساره
رحتي انتي


.. ريـــمـ ..

وانا اسمع قصتك ياريم ساكت
لين قالوا ريم ماتت
ماقدرت انطق بحرف
بس سالت دمعتي
من بعدها ابتسمت
الله يرحم هالشريفه
اطعنوها في شرفها
وهي عند الله نظيفه


.. ريـــمـ ..
وكثرت فصول الروايه
والشرف مثل المرايه
لو ينخدش صعب يتصلح
وكل من يخطي عرف
ان الشرف هو الشرف


... ريـــمـ .

ما سألت ليه بالظلم ذبحوها
وما سألت ليه بالشك جرحوها
وهي مثل كل الحريم
والحكايه تنتهي في قبر ريم[b]